"Törkiyägä qarağan säyäsät samimi tügel"

Awrupa Berlegeneñ kiñäyüdän cawaplı êlekke komissarı Günter Verhoygen Awrupanıñ Törkiyägä qarağan säyäsäteneñ êçkersez bulmawın äytkän.

Germaniyaneñ ARD 1 kanalındağı ber tapşıruda Törkiyägä qarşı süzlär äytelgän, läkin qatnaşuçılar arasında bulğan Verhoygen Törkiyäne yaqlağan.

Verhoygen Törkiyä belän mönäsäbätlärdä xata yasawçınıñ Awrupa buluın citkergän.

Törkiyägä qarşı alıp barıluçı säyäsätneñ samimi bulmawın beldergän Verhoygen tapşırudağı qunaq xalıq ışanıçlılarınıñ “Törek ministrların telämibez” digän süzlärenä qırıs cawap qaytarğan.

Germaniyada 4 millionnan artıq törekneñ yäşäwen xäterlätkän alman säyäsätçe bu keşelärneñ mäğlümat alu häm törek säyäsätçelären tıñlaw xaqqı buluın assızıqlağan.

Günter Verhoygen tübändägeçä däwam itkän: “Germaniyada süz irege barmı dip üz-üzebezgä sorarğa tiyeş bez.”

Awrupa Berlegeneñ Törkiyägä birgän süzlären totmawın xäterlätkän Verhoygen Törkiyäneñ tügel, ä Awrupa totışınıñ üzgärüen citkergän.