Timer çıbıqqa êlektr ütkӓrelӓçӓk
Monı Vengriya qaçaqlarnıň ilgӓ kerüen tuqtatır öçen başqaraçaq
Vengriya qaçaqlarnıň ilgӓ kerüen tuqtatır öçen Serbiya çigendӓ tözelgӓn ikençe timer çıbıqqa êlektr ütkӓrӓçӓk.
Vengriya xökümӓt süzçese Zoltan Kovacs Vengriya-Serbiya çigenӓ tözelgӓn timer çıbıqlarnıň qaçaqlar ağımın tuqtatıp, barı tik Vengriyane ğenӓ tügel, ӓ Awrupa Berlegen dӓ saqlayaçağın citkergӓn.
150 çaqrımlıq alanda tözelgӓn tel çıbıqnıň 1nçe may könenӓ qadӓr beterelüeneň planlanuın, timer çıbıqlarda termal’ kamera hӓm qalğan texnologik cihazlarnıň bulacağın beldergӓn Kovacs: “Yaňa smart timer çıbıqnıň texnik sıyfatı tağın da yaxşı. Aldınğı texnologiya yӓrdӓmendӓ timer çıbıqqa keşe sӓlamӓtlegenӓ yanamawçı êlektr da ütkӓrelӓçӓk. Bu sistema qaçaqlarnıň qaydan çik buyınnan ütep kerergӓ tırışuın citkerӓçӓk,” – digӓn.
Şul arada şaqtıy ictimaği oyışmaları Vengriya iminlek köçlӓreneň ilgӓ qanunsız yullardan kergӓn qaçaqlarnı qırıslıq qullanıp, Serbiyağa kire cibӓrüen dӓğwa itӓ.
