Aq Yorttan êştän kitkän

Aq Yortta 2011nçe yıldan bügengä qadär êşlägän çığışı belän Bangladeştan bulğan Rumana Äxmäd däwlät başlığı Donal’d Tramp wazifasınıñ berençe atnasında qabul itkän viza tıyuı qararınnan soñ wazifadan kitüen açıqlağan.

AQŞta basılıp çığuçı “Atlantic” jurnalı öçen mäqalä yazğan Rumana Äxmäd yawlıqlı möselman xatın-qıznın Aq Yorttağı täcribäsen häm wazifadan kitü säbäplären añlatqan.

“Tramp 7 möselman ile häm barlıq Süriyäle qaçaqlarğa säyäxät tıyuı qarar alğanda mine häm minem kebek keşelärne qurqınıç itep kürüçe citäkçelek öçen monnan soñ êşli almayaçağımnı belä idem,” – digän Rumana 28nçe ğinwar könne wazifadan kitüwen beldergän.

Ğailäse 1978nçe yılda Bangladeştan küçep kilgän häm 12 yäştän birle yawlıq kiyüen äytkän Rumana AQŞnıñ möhacirlär ile buluın häm yaña citäkçelekneñ bu çınbarlıqqa qarşı adımnar yasarğa tırışuın citkergän.

Êlekke ilbaşı Barak Obama çorında Aq Yorttağı atmosferanıñ tağın da uñay buluın açıqlağan Rumana Tramp citäkçelege belän bu atmosferanın bozıluın assızıqlağan.