Süriyädäge yäşeren ülem cäzaları
Törmälärdä oppoziśiyaçellärne xuplağan 13 meñ keşe ülem cäzasına tartılğan
Xalıqara yarlıqaw oyışması Süriyädäge törmälärdä oppoziśiyaçellärne xuplağan 13 meñ keşeneñ ülem cäzasına tartıluın açıqlağan.
Keşe xoquqların yaqlaw ölkäsendä êşçänleklär alıp barğan oyışmanıñ yaña xisabında 2011nçe yılnıñ sentyabrennän alıp 2015nçe yılnıñ noyabr’ ayına qadär Saydnaya törmäsendä här atna kümäk ülemnärneñ çınğa aşırıluın däğwa itelgän.
Yarlıqaw oyışması älege ülem cäzalarınıñ Süriyä xökümäteneñ iñ yuğarı citäkçelege tarafınnan raslanuın beldergän.
Süriyä rejimı cinayät yäisä totqınnarnıñ naçar möğamälä kürüläre belän bäyle däğwalarnı yalğan dip citkerä ide.
Yarlıqaw oyışmasınıñ xisap öçen aralarında êlekke törmä saqçısı, totqın häm törmä räsmi zatları da bulğan 84 keşe belän äñgämä ütkärüe açıqlanğan.
Moña kürä här atna, 2 atnada ber tapqır 20-50 keşedän toruçı törkemnär yäşeren räweştä başqala Dimäşkneñ tönyağında urnaşqan törmädä üterelgän.
Xisapta ülem cäzasınnan alda totqınnarnıñ Kabun töbägendä 1-3 minut barğan mäxkämä utırışları öçen qorılğan xärbi mäxkämägä çığarıluları citkerelgän.
Yarlıqaw oyışması xisabında açıqlawları urın alğan êlekke xärbi sud’ya totqınnarğa cinayät başqarıp, başqarmawlarınıñ soraluın, alarnıñ cawabı uñay da bulsa, tiskäre dä bulsa, ülem cäzasına tartıluların beldergän.
Älege sud’ya bu mäxkämälärneñ xoquq östenelenä bäyläneşläreneñ bulmawın da äytkän.
Barlıqqa kilgännärneñ cinayät buluın citkergän Yarlıqaw oyışması ğinwar ayı başlarında älege däğwalar belän bäyle bularaq Süriyäle räsmi zatlar belän êlemtägä kerergä teläwlären, läkin cawap ala almawların beldergän.
