İñ ozın säfär çınğa aşqan

Qatar hawa yullarına bäyle Boeing 777 oçqıçı 16 säğat 23 minut belän dönyanıñ özleksez iñ ozın säfären yasağan.

Şirkät räsmi sośial’ media xisabında Qatar başqalası Dohadan kütärelgän häm 10 waqıt telemen uzğan yulçı oçqıçınıñ 14 meñ 535 çaqrımlıq yulnı 16 säğat 23 minutta uzıp, Yaña Zelandiyaneñ Okland hawa mäydanına kilüen citkergän.

Dönyanıñ iñ ozın oçqıç säfären 4 pilot häm 15 êkipaj personalı belän çınğa aşırğan oçqıç öçen hawa mäydanında tantana oyıştırılğan.

Tantanada qatnaşqan Yaña Zelandiyanıñ säwdä ministrı Todd McClay, Qatar hawa yullarınıñ idarä şurası başlığı Akbar Al Bakerğa maqtaw käğazen tapşırğan.

McClay turıdan säfärlärneñ ike il arasındağı säwdä häm turizmğa möhim öleş kertäçägen äytkän.

Oçqıçnıñ büğen Oklandtan Dohağa qaytaçağı kötelä.

Kire qaytu waqıtınıñ cilneñ wazğiyätenä qarap 17 säğat 30 minut däwam itäçäge çamalana.