Şähärçek yalğış bombalanğan

Nigeriya armiyase tarafınnan Boko Haram terror oyışmasına qarşı oyıştırılğan hawadan operaśiyadä yalğış räweştä qaçaqlar şähärçege häm xezmätkärlär bulğan töbäkneñ bombalanuı näticäsendä kim digändä 100 keşeneñ ğomere özelgän.

Armiya isemennän açıqlaw yasağan General Gen Laki Irabor xärbi oçqıçlarnıñ ilneñ tön’yağındağı Borno vilayätendä urnaşqan häm ildä öysez qalğan keşelär kön kürgän şähärçekne yalğış räweştä bombağa totuın beldergän.

Kamerun çigenä yaqın urın alğan Rann töbägendäge bombağa totuda şaqtıy keşeneñ yaqtı dönyadan kitüen, alar arasında Xalıqara Qızılhaç oyışması häm Çik tanımawçı tabiblar isemennän êşçänlek başqaruçı qayber nigeriyalelärneñ dä buluın citkergän General Irabor waqiğa belän bäyle tikşerüneñ däwam itüen açıqlağan.

Borno vilayätennän ber räsmi zat waqiğada 100dän artıq qaçaqnıñ ülüen, yärdäm kürsätü xezmätkärläreneñ yaralanuın beldergän.

Älege waqiğa Nigeriya armiyase tarafınnan qabul itelgän berençe xatalı bombağa totu bulğan.

İlneñ tön’yaq könçığışında yäşäwçe nigeriyalelär monnan alda da armiyaneñ toraq punktların maqsat itep aluın citkergän ide.