Ali Äkbär Haşemi Rafsancani wafat bulğan
İrannıñ êlekke däwlät başlıqlarınnan Ali Äkbär Haşemi Rafsancani yöräk awıruı arqasında wafat bulğan.
İrannıñ êlekke däwlät başlıqlarınnan Ali Äkbär Haşemi Rafsancani yöräk awıruı arqasında wafat bulğan.
82 yäşendä ülgän Rafsancani 1980lärdän birle il säyäsätendä mohim rol uynağan ide.
1989-1997nçe yıllar arasında däwlät başlığı bularaq xezmät itkän Rafsancani 2005nçe yılda Mahmud Ahmedinecadqa qarşı qabat nämzät bulğan ide, fäqät ciñelgän ide.
2013nçe yılda isä däwlät başlığı nämzätlegen Konstituśiyanı añlatu wazıfasın başqarğan 12 äğzalı Saqçı Şurası kire qaqqan ide.
Rafsancani soñınnan saylawlarda ilneñ däwlät başlığı häm basınqı fronnta urın alğan Hasan Ruhanigä yärdäm itkän.
Säyäsi xökem itelgännärneñ azat itelüe häm partiyälärgä konstituśiya qısasında kübräk birelüen kiräk buluın yaqlıy ide.
Çın iseme Äkbär Haşimi Behremani bulğan Rafsancani soñğı bularaq Êş tärtibeneñ bilgeläw şurası başlığı bularaq xezmät itä ide.
Rafsancanineñ wafatı säbäbe belän ildä 3 kön matäm iğlan itelgän.
10nçı ğınwar könne soñğa yulğa ozatu cıyını Tahranda oyıştırılaçaq.
Törkiyä tışqı êşlär ministrı Mäwlüt Çavuşoğlu Ali Äkbär Haşimi Rafsancaninıñ wafatınnan soñ ğailäse häm İran xalqına qayğı urtaqlaşuın citkerde.
Çavuşoğlu sośial mediadağı Twitter xisabınnan urtaqlaşqan yullamasında:
“Rafsancanineñ ülemen borçılıp öyrändek. Märxümgä Allahtan yarlıqaw, ğailäsenä häm İran xalqına qayğı urtaqlaşuın belderäbez”,-digän süzlärne qullandı.
