Xalıq Xälebkä qayta

Berläşkän Millätlär Oyışmasınıñ Süriyägä humanitar yärdäm koordinatorı wäkile Sayad Malik Xälebkä zur zıyannıñ salınuına qaramastan utnı tuqtatudan soñ Süriyälelärneñ şähärgä qayta başlawın beldergän.

Malik Xälebtän telekonferenśiya aşa totaşqan matbuğat oraşuında xäzergä qadär süriyäle 2 meñ 200 ğailäneñ Xälebneñ könçığışına qaytuın äytkän.

Şähärneñ qabat tözekländerelüeneñ ozaq waqıt alaçağın citkergän Malik: “Hawalar bik salqın, keşelär täräzaläre, işekläre bulmağan öylärgä qayta,” – digän.

Qorallarnıñ tınıp qaluı belän balalarnıñ uramda uynawın, utnı tuqtatudan soñ optimizm häm ömet kürülären beldergän Malik Süriyä xalqınıñ küp tapqır xıllarınıñ çelpärämä kilüen häm ömetneñ qabat sünmäwe öçen tınıçlıq urnaştıruğa şans birü zarurlığın assızıqlağan.

Suğıştan alda 4 million keşe yäşägän Xälebtä xäzerge waqıtta 1 million yarım keşeneñ buluın uylawların äytkän Sayad Malik bu sannıñ 400 meñen il êçendä öysez qaluçılarnıñ täşqil itüen citkergän.

Malik Xälebtä 5 yıl buyı mäktäpkä bara almağan häm psixologik yärdämgä ixtıyacı bulğan balalarğa isä BMO Balalarğa yärdäm kürsätü fondı YUNİSEFnıñ ber töbäktä xezmät kürsätä başlawın da beldergän.