Süriyädä utnı tuqtatu ğamälgä kerde

Törkiyä häm Rusiyäneñ garant il sıyfatı belän yaqlağan, Berläşkän Millätlär Oyışması İminlek şurası terror oyışması itep qabul itkän törkemnär kertelmägän utnı tuqtatu ğamäle Törkiyä waqıtı belän säğät 01:00dä başladı.

Utnı tuqtatu kileşüe qısalarında taraflar hawa höcümnäre belän bergä qorallı höcümnärne tuqtatunı, kontrolläre astındağı töbäklärne ber-berlärenä qarşı kiñaytmäw yöklämäsen üz östenä aldı.

Utnı tuqtatu kileşüenä taraf bulğan qorallı törkemnär isemennän Änkarada matbuğat oçraşuın ütkärgän Usamä Äbu Zäyd oppoziśiyanıñ kileşüne ütäyäçägen, rejim köçläreneñ dä ber ük sizgerlekne kürsätüen kötülären assızıqladı.

Änkara häm Mäskäw 13nçe dekabr’dä Xäleb şähär üzägeneñ könçığışında utnı tuqtatu häm cirle xalıqnıñ küçertelüe öçen kileşkän ide.

22nçe dekabr’dä betkän êvakuaśiya barışınnan soñ utnı tuqtatunıñ il külämendä cäyelderelüe öçen taraflarğa täqdim iteläçäk plan östendä dä ike il kileşü täêmin itte.

Utnı tuqtatu uñışlı räweştä tormışqa aşırılğan oçraqta rejim häm oppoziśiya Törkiyä belän Rusiyäneñ äydäp baruçanlığında Qazaqstan başqalası Astanada säyäsi kileşülärgä başlayaçaq.

İlbaşı Räcäp Tayyip Ärdoğan belän Rusiyä Federaśiyäse Däwlät başlığı Vladimir Putin Süriyädäge tınıçlıq söyläşülären Astanada alıp baru qararına kilgän ide.