AQŞ - Rusiyä kiyerenkelege
35 Rusiyä diplomatı 72 säğat êçendä AQŞtan kitäçäk
Amerika Quşma Ştatları häm Rusiyä arasında diplomatik kiyerenkelek barlıqqa kilgän.
Vaşington citäkçelege ilbaşı saylawına kiber höcüm däğwaları qısalarında N’yu York häm San Franśiskodağı 35 Rusiyä diplomatın 72 säğat êçendä ildän kitüen sorağan.
Bu şähärlärdäge Rusiyä missiyaläre dä yabıla.
Aq Yort Rusiyäneñ Amerikan saylawına kiber höcüm yasawı häm Rusiyädäge qayber Amerikan diplomatlarnı tınıçsız itü däğwaları qısalarında Barak Obamanıñ Mäskäwgä qarşı qabul itkän çikläw qararların açıqlağan.
Rusiyäneñ küzläw xezmätlärenä qarata da sankśiyalär kerteläçäk.
Mäs’älä belän bäyle açıqlaw yasağan AQŞ ilbaşı Barak Obama çikläwlärneñ Rusiyäneñ Amerikan mänfäğatlärenä zıyan birügä qarata kereşülärenä cawap buluın äytkän.
Obama kiber höcüm belän bäyle bularaq Kongresska xisapnıñ tapşırılaçağın açıqlağan.
Rusiyäneñ tışqı êşlär ministrlığı ike yaqlı mönäsäbätlärneñ zıyan küräçägen beldergän.
Kreml’dan yasalğan açıqlawda Rusiyäneñ çikläwlärgä yaraqlı räweştä cawap qaytaraçağı assızıqlanğan.
Kreml’ süzçese Dmitriy Peskov cawapnıñ närsä bulacağına Rusiyä däwlät başlığı Putinnıñ qarar biräçägen äytkän.
