Oçqıçnıñ qara tartmaları tikşerelgän
Oçqıçnıñ texnik citeşsezlek häm pilotaj xatası näticäsendä kilep töşüe däğwa itelgän
Yäkşämbe könne Qara diñgezgä kilep töşkän Rusiya oçqıçınıñ qara tartmaları tikşerelgän.
Oçqıçnıñ texnik citeşsezlek häm pilotaj xatası näticäsendä kilep töşüe däğwa itelgän.
Rusiyäneñ “İnterfax” xäbär agentlığına inter’vyu birgän tikşerü törkemennän ber räsmi zat beldergänçä,qara tartmadan alınğan berence mäğlümatlar TU-154 oçqıçınıñ kütärelep kitü waqıtında sistemadağı citeşsezlek säbäbe belän qanatlarda oçış öçen citärlek däräcädä kütärü köçe barlıqqa kilmäwen kürsätkän.
Räsmi zat:”Şul uq waqıtta oçış törkemeneñ kritik xäldä xatalı qarar qabul itüe turında uylaw öçen dä säbäplär bar. Qaza texnik kimçelek häm keşe faktorınıñ berläşüe belän barlıqqa kilgän bulırğa mömkin”,-digän.
Rusiya Federaśiyäse saqlanu ministrlığı oçqıçnıñ qara tartmasınıñ centekle räweştä tikşerelüen häm mäs’älä belän bäyle räsmi belderüneñ kiläse könnärdä yasalaçağın citkergän.
