Qaddafineñ ulın irekkä cibärelüen taläp itä

Liviyadan Mal’tağa urlanğan “Afriqiyah” hawa yulına bäyle oçqıçtağı 109 keşe irekkä cibärelgän.

Mal’ta matbuğatı yulbasarnıñ Liviyanıñ bärep töşerelgän liderı Muammär  Qaddafi yaqlı “Äl Fätih äl Gadida” isemle oyışma isemennän xäräkät itüen xäbär itä.

Yalğız xäräkät itüen belderüçe hawa yulbasarınıñ Qaddafineñ iyül’ ayınnan birle törmädä yatuı isäplänelgän ulı Säyfülislamnıñ azat itelüen teläwe alğa sörelä.

Ätiseneñ 2011nçe yılda bärep töşerelüennän birle tarafdarları üzlärenä liderlıq yasawın telägän Säyfülislamnıñ yazmışı isä bilgesez.

Säyfülislamnıñ ülgän yäki üterelgän bula alaçaüı assızıqlana.

Oçqıç Mal’ta Luqa hawa mäydanına töşkän ide

Mal’ta Prem’er-ministrı Djozef Muskat “Twitter” sośial’ media çeltäre aşa citkergän yazmasında: “Waqiğa belän bäyle bularaq üzemä mäğlümat birelde. İminlek häm aşığıç wazğiyät törkemnärebez uyaw torışında”, - dip beldergän.

“Flightradar24” aviaśiya säxifäse xäbär itüençä, “Afriqiyah” hawa yullarına bäyle “Airbus 320” törendäge oçqıç 118 yulçı häm êkipajı belän Säbha şähärennän Tripoliğa oçqan çaqta yünäleşen Mal’tağa borğan.

İminlek räsmiläre Mal’tada hawa mäydanında kötkän oçqıçnıñ tirä-yağında iminlek çaraların kürgän.