Franśiyadä qoş grippı
İlneñ kön’yağında küzätelgän gripp kön’yaq könbatıştä cäyelä başlağan
Franśiyaneñ kön’yaq könbatışında urnaşqan Tarn töbäge vilayät idaräse qoş grippınıñ şaqtıy fermada kürelüen häm tizlek belän cäyelüen citkergän.
Tarn töbägendä yaqınça 7 meñ ürdäk yuqqa çığarılğan, 4 meñ 500 ürdäk tä xastalıqtan ülgän.
Berençe grip oçrağı Tarn töbägenä bäyle Almayrac şähärçegendä küzätelgän ide.
İgençelek ministrlığı qasabadağı ber ürdäk fermasında H5N8 virusınıñ kürelüen raslağan ide.
Ministrlık fermadağı qalğan xayvannarnıñ da çara maqsatı belän yuqqa çığarılaçağın, ferma tirä-yağında 3 çaqrım diametrlıq saqlaw, 10 çaqrım diametrlık küzätü qararınıñ qabul itelüen citkergän ide.
Awrupa Berlegenen iñ zur qanatlı xayvan citeşterüçese bulğan Franśiyaneñ kön’yaq könbatış töbägendä uzğan yılnı barlıqqa kilgäm êpidemiya arqasında qanatlı xayvan êksportında probemalar küzätelgän ide.
