Kanada qaçaqlarnı qabul itä

Kanadanıñ Watandaşlıq häm migraśiya ministrı Djon Makkallum Ottavada oyıştırğan matbuğat oçraşuında xäzerge waqıtta 300 meñ bulğan yıllıq qaçaq kvotasının 2017dä dä üzgärmäyäçägen citkergän.

Ministr Makkallum iqtisadta üsüçe êş köçe defisitın yabu häm olığayıp kilüçe xalıq sanın yäş yasawnıñ töp maqsatlar buluın beldergän.

Ministr Makkallumnıñ açıqlawına kürä qaçaq kvotasında küpçelek yuğarı belemle, kvalifikaśiyale häm säwdägä yünälgän qaçaqlar bulaçaq. 300 meñ keşelek kvotanıñ ikençe öleşen isä ğailä berläşterü qısalarında Kanadağa baraçaq qaçaqlar täşqil itäçäk.

İkençe yaqtan Kanadanıñ Watandaşlıq häm migraśiya ministrlığınnan yasalğan yazulı açıqlawda Rumıniya häm Bolgariya watandaşlarına vizanıñ 2017nçe yılnıñ 1nçe dekabr’ könennän başlap betereläçäge citkerelgän.