Yaña Zelandiyadan Musulğa yärdäm

Yaña Zelandiya “DEAŞ” terror oyışmasına qarşı operaśiya başlatılğan Musulğa 1 million dolarlık humanitar yärdäm kürsätäçäk.

Yaña Zelandiya tışqı êşlär ministrı Murray McCully Musulğa cibäreläçäk yärdämneñ operaśiyadän täêsirlänäçäk keşelär ixtıyaclarınıñ qanäğatländerelüendä qullanılaçağın beldergän.

Yärdämneñ Xalıqara Migraśiya oyışması aradaşçılığı belän ixtıyac iyälärenä ireştereläçägen açıqlağan McCully ileneñ Musuldağı ixtıyaclarnıñ koordinaśiyalänüendä dä BMOğa yärdäm itäçägen citkergän.

Ğiraqta “DEAŞ” terror oyışmasına qarşı koaliśiya köçläre belän xäräkät itkän, läkin operaśiyalärdä urın almağan Yaña Zelandiyaneñ Ğiraqta 140 xärbi personalı bar.

Front çitendä wazifa başqaruçı Yaña zelandiya ğaskäriläre Ğiraq armiyasenä bäyle ğaskärilärneñ belem aluına yärdäm itä.

Musulnıñ “DEAŞ”tan çistartıluı öçen Ğiraq armiya berlekläre, päşmärgä köçläre häm kübesenä Başika şähärçegendäge törek ğaskäriläre belem birgän Ninova möcahidları 17nçe üktäbr’ könne operaśiya başlatqan ide.