Kolumbiyada ğisyançı törkemnär belän tınıçlıq söyläşüläre
Kolumbiyada “ELN” belän tınıçlıq söyläşüläre başlıy
Kolumbiyada xökümät “FARC” Kolumbiya inqilapçı qorallı köçlärdän soñ “ELN Milli azatlıq ğaskäre” isemle ğisyançı törkem belän dä östälgä utırğan.
Kolumbiya xökümäte wäkillege belän “ELN” suğışçıları Venesuêla başqalası Karakasta ilbaşı sarayında yasağan belderüdä räsmi tınıçlıq söyläşüläreneñ 27nçe üktäbr’dä Êkvadorda başlayaçağın xäbär itkän.
Kolumbiya İlbaşı Juan Manuel Santos televideniye aşa yasağan çığışında “ELN” belän ütkäreläçäk söyläşülärneñ uñışqa ireşelüe belän ilendä tınıçlıq tämamlanğan bulaçağın äytte.
Garant däwlätlär Braziliya, Çili, Kuba, Êkvador, Norvegiya häm Venesuêla bulğan tınıçlıq söyläşüläreneñ här ike taraf ta östendä kileşügä ireşkän kolumbiyalılarnıñ söyläşülärdä qatnaşuı, tınıçlıq öçen demokratiya, bäreleşlärdän zıyan kürüçelär, tınıçlıq öçen kiräkle üzgäreşlär, tınıçlıq öçen iminlek häm kileşmäwçänleklärneñ beterelüe, säyäsi qatnaşunıñ ışanıç-garantiyasınnan torğan altı maddälek kön tärtibe bulaçaq.
