Awrupada tınıçsızlıq tuğan

Törkiyä alıp barğan Färat qalqanı operaśiyase belän “DEAŞ” terror oyışmasına qısqıçqa aluı Awrupada tınıçsızlıq tudırğan.

İngliz “İndependent” gazetı oyışmadağı 7 meñ tiräse könbatışlı canlı bombanıñ Törkiyä çigendäge ciñelü arqasında qabat Awrupadağı illärenä qaytu ixtimalın kön tärtibenä kitergän.

Xäbärdä “DEAŞ” terror oyışmasınıñ Ğiraq häm Süriyädä soñğı waqıtlarda barlıqqa kilgän cir yuğaltulardan soñ oyışma saflarına quşılğan könbatışlı meñnärçä terrorçınıñ illärenä qaytu ixtimalınıñ buluına iğtibar cälep itelgän.

Terror oyışmasına quşılğan könbatışlı terrorçılarnı “säğatle bomba”ğa oxşatqan iminlek räsmi zatları qoral qullanu mäs’äläsendä bik yaxşı belem alğan bu keşelärneñ qısqa waqıtta üz illäre öçen zur qurqınıç tudıra alaçağın uylıy.

Xäbärdä Süriyä suğışı başlanğan könnän bügengä qadär 27 meñnän artıq çit il keşeseneñ oyışmağa quşıluınıñ çamalanuı, bolardan 5-7 meñ tiräseneñ Awrupadan kitüe belderelä.

İngliz “The Times” gazetı kiçäge sanında “DEAŞ” terror oyışmasınıñ Törkiyä çigennän çistartıluınıñ oyışmağa quşılırğa teläwçe çit il keşeläreneñ dä yulın yabaçağına iğtibar cälep itkän ide.

Gazet Törkiyä çigenä belän bäyläneşeneñ özelüeneñ terror oyışması öçen bik zur strategik häm simvolik höcüm buluına işarät itkän ide.