Alaskada oçqıç qazası

Amerika Quşma Ştatlarınıñ Alaska ştatında ike keçkenä oçqıçnıñ hawada bäreleşüe näticäsendä 5 keşeneñ ğomere özelgän.

Alınğan mäğlümatqa kürä 3 keşe utırğan “Cessna 208 Caravan” törendäge oçqıç belän êlemtä özelgännän soñ Alaska Milli saqçıları töbäktä êzläw başlatqan.

Şul minutlarda ike keşe utırğan “Piper PA-18 Super Cub” törendäge oçqıç belän dä êlemtä özelgännän soñ bu oçqıçlarnıñ bäreleşä aluı uylanılğan.

Êzläwlär näticäsendä ike oçqıç xäräbäläre Bethel şähäreneñ yaqınça 100 çaqrım tönyäğında tabılğan.

Qaza barlıqqa kilgändä hawanıñ açıq buluı häm bäreleş säbäbeneñ älegä açıqlanmawı öyränelgän.

Milli transport häm iminlek idaräsennän xezmätkärlär qaza säbäbeneñ tikşerelüe öçen töbäkkä cibärelgän.