Çit illärdä cänaza namazları

Demokratiya şähitläre Fälästinneñ Ramallah, Kanadanıñ Toronto şähäre häm Makedoniya başqalası Skopyeda iskä alınğan.

Fälästindä Ramallahta qayğı belän urtaqlaşu urını qorılğan, ülüçelär ruxına Qor’än-i Kärim uqılğan.

Torontoda demokratiya şähitläre öçen oyıştırılğan programmağa töreklär zur qızıqsınu kürsätkän.

Şähitlär öçen cänaza namazı uqılğan.

Skopyeda Dükkancık cämiğında cänaza namazı uqılğan.

Azärbaycan da tüntäreleş kereşüenä qarşı törek xalqı häm däwläte yanında buldı.

Citäkçelegennän alıp ictimaği oyışmalarğa qadär barlıq Azärbaycan tüntäreleş kereşüenä qırıs räweştä reakśiya belderde.

Baqıda şaqtıy cämiğta comğa wäğazendä demokratiya şähitläre iskä alındı, törek xalqın xuplaw yullamaları yasaldı.

Misırdağı Möselman Qardäşlär oyışmasınıñ matbuğat süzçese Talat Fähmi dä Törkiyädäge uñışsız tüntäreleş kereşüe häm Ğaräp dönyası belän xalıqları östendäge tä’sirlärenä bäyä birgän.

“Törkiyädäge tüntäreleş kereşüeneñ uñışsız buluı xärbi tüntäreleşlär çorınıñ azağına yaqınlaşuın kürsätä,” – digän Fähmi tübändägeçä däwam itkän: “Törkiyä dönyadağı barlıq mazlumnarğa yärdäm itte. Allahı Täğalä dä barlıq bu başqarğannarın cawapsız qaldırmadı häm bu ilne saqlap qaldı”.

Bolgariya premyer-ministrı Boyko Borisov isä Törkiyädä FETÖ terror oyışmasınıñ tüntäreleş kereşüe belän bäyle bularaq bolgar mediasına açıqlaw yasağan.

Törkiyädäge tüntäreleş kereşüenä tuqtalğan Borisov: “Aqıllı fiker yörtüçe säyäsätçe xökümät tüntäreleşen xuplıy almas,” – digän.