Soğud Ğäräbstanında intihar höcümnäre

Soğud Ğäräbstanınıñ Mädinä qalasında Xäzräti Möxämmäd käbere dä urnaşqan Mäsciden-Näbävi yanında oyıştırılğan ike intixar höcümendä tınıç xalıqtan 2 keşe belän bergä 6 keşe häläq bulğan.

Şartlawlarnıñ berse Mäsciden-Näbävineñ avtoparkında, ikençese dä yanında barlıqqa kilgän.

Axşam azanınnan soñ oyıştırılğan höcümnär belän bäyle bularaq räsmi organnardan älgeä räsmi belderü yasalmağan.

Päyğambär Mäscide dip tä yörtelgän Mäsciden-Näbävi möselman dönyası öçen Mäkkädäge Äl-Xaram mäçetennän soñ ikençe iñ izge mäçet bulıp qabul itelä.

Şul uq waqıtta Äl-Qatif şähärendäge ber mäçet yanında oyıştırılğan 2 ayırım bombalı höcümdä isä ülüçelär häm yaralanuçılarnıñ buluı belderelgän.

İntixar höcüme buluı isäplänelgän waqiğanı kürüçelär isä höcümçeneñ can birüen añlatqan.

Amerika Quşma Ştatlarınıñ Soğud Ğäräpstanındağı Ciddä baş konsullığı yanında da yäşkämbe könne tönlä intihar höcüme oyıştırılğan, 2 poliśiya xezmätkäre yaralanğan ide.

Şartlaw mizgelendä waqiğa urınında bulğan “Törkiyä awazı” radiosınıñ tatar redakśiyäse xezmätkäre Gölgenä Näfis intihar höcümeneñ iftar waqıtında yasaluın, soñınnan isä tormışnıñ üz cayına kerüen, yästü häm täravih namazlarınıñ uqıluın belderde.