Kolumbiyada boralaq qazası

Kolumbiyada xärbi boralaqnıñ kilep töşüe näticäsendä 17 ğaskäri yaqtı dönyadan kitkän.

Xärbi çığanaqlar boralaqnıñ başqala Bogotanıñ tönya könçığışında urnaşqan Caldas töbägeneñ Pensilvania vilayäteneñ awıl cirlegendä kilep töşüen citkergän.

Qaza urınına barıp citkän xärbi qotqaru törkeme boralaqqa utırğan 17 ğaskäri personaldan isän-saw qaluçınıñ bulmawın beldergän.

Ülgä ğaskärilärneñ mäyetlären ezläw öçen eşçänlek başaltılğan.

Boralaqnın töşü säbäbeneñ naçar hawa şartları buluı belderelä.

Däwlät başlığı Juan Manuel Santos qaza arqasında borçulı buluın açıqlağan.

Santos ülgän ğaskärilärneñ fetnäçe törkem ELNğa qarşı oyıştırılğan operatsiyalärgä yärdäm kürsätü öçen töbäkkä baruın äytkän.

Xärbi personal utırğan MI 17 törendäge boralaq yäkşämbe könne yuğalğan ide.