Yevro 2016 da Rusiyä krizisı zurayıp bara
Awrupa futbol çempionatı öçen Frantsiyada bulğan Rus tarafdarlarınıñ qulğa alınuı belän bergä Frantsiyanıñ Mäskäw tulı wäkalätle ilçese Tışqı eşlär ministrlığına çaqırılğan
Yevro 2016 da Rusiyä krizisı zurayıp bara.
Awrupa futbol çempionatı öçen Frantsiyada bulğan Rus tarafdarlarınıñ qulğa alınuı belän bergä Frantsiyanıñ Mäskäw tulı wäkalätle ilçese Tışqı eşlär ministrlığına çaqırılğan
Ministrlıktan yasalğan açıqlawda Frantsiyanıñ Mäskäw tulı wäkalätle ilçese M. Jean-Maurice Ripertkä iminlek köçläreneñ Lille şähärenä kitkän Rus tarafdarlarnıñ qulqa alınuwı häm mäsälä belän bäyle Rus diplomatik wäkilleklärenä mäğlümat birmäweneñ qabul itergä mömkin bulmawın citkergän.
Oçraşuda qulğa alınğan Rus watandaşları belän bäyle räsmi eşçänlekläreneñ iñ yaqın waqıtta tögällänüen taläp itelgändä, çempionat qısasında Rusiyağa qarşı totış barlıqqa kiterüe- Rus-Frantsuz mönäsäbätlärenä zarar kiterergä mömkin bulaçağın citkerelgän.
Rusiya tışqı eşlär ministrı Sergey Lavrov da mäsälä belän bäyle Frantsuz xezmättäşe Jean Marc Ayraultqa yullama cibärep, mondiy waqığalarnıñ qabatlanmawın telägän.
Frantsuz räsmi zatları atna axırında Marsilya häm Nice uramnarındağı höcüm waqığalardan soñ Rus tarafdarlar xaqında maxsus buldırmawçı çara kiräk buluı belän bäyle açıqlawlar yasağan ide.
Premyer-ministr Manuel Valls höcümgä qatışqan tarafdarlarınıñ Frantsiyä cirlärendä qalu xoquqınıñ bulmawın söylägän ide.
Frantsiya politisyäse Marsilya yaqınında Rus tarafdarlarnı taşığan ber avtobusnı tuqtatıp 6 Rus tarafdarnı ildän cibärü öçen qulğa alğan ide.
Şimbä köndäge ğawğada kübese Angliya watandaşı belän bergä 4 se awır 35 keşe yaralanğan häm ğawğağa qatışqan 10 keşe Marsilyada 2 ay belän 1 yıl törmä cäzasın alğan ide.
