NATO Baltiq illären Rusiyädän yaqlıy
NATO Rusiyägä qarşı Estoniya, Latviya, Litva häm Polşada 4 batalyon urnaştıru qararına kilde.
Belgiya başqalası Bryusseldäge NATO ştabında uzdırılğan häm Törkiyäne Saqlanu ministrı Fikri Işık wäkillek itkän NATO saqlanu ministrları cıyılışınıñ berençe könendä häm Rusiyä Federatsiyäsenä qarşı yasalaçaq adımnar, häm dä kiläse ayda ütkäreläçäk Varşava yuğarı däräcäle oçraşuınıñ kön tärtibe bilgelände.
NATO Ğomum särkätibe Jens Stoltenberg oyıştırğan matbuğat oçraşuında söyläşülärdä NATOnıñ üz köçen kürsätä aluınıñ häm saqlanuınıñ köçäytelüe öçen yaña çaralarda kileşügä ireşelüen belderde.
Stoltenberg, NATOnıñ İttifaqnıñ könçığışındağı kontinentın arttıru qararına kilüenä iğtibarnı yünältep: “NATO çiratlaşıp Latviya, Litva, Estoniya häm Polşada 4 köçle küp millätle batalyon urnaştıraçaq. Şul uq waqıtta NATO Qara diñgez töbägendäge saqlanu häm üz köçen kürsätüne nığıtu öçen östämä çaralar küräçäk. Teläsä qaysı ber berlektäşebez höcümgä duçar bulsa, böten İttifaq berdäm räweştä cawap biräçäk”, - dip äytte.
“Çınlap torıp Rusiyä belän konstruktiv dialog telibez, läkin berlektäşlärebezne härtörle yanawğa qarşı saqlayaçaqbız”, - dip assızıqlawçı NATO Ğomum särkätibe hawada, diñgezdä häm ciröstendä bulğanı kebek kiber höcümnärgä qarşı da urtaq saqlanu sistemasınıñ ğämäldä buluına basım yasadı.
Şul uq waqıtta Ukraina Rusiyä xärbi materiallarına bäylelegennän qotılu öçen NATO belän kileşü imzaladı.
Kiev citäkçelegennän yasalğan belderüdä kileşüneñ, NATO belän xezmättäşlekneñ üsüen tä’min itep, ğäskärneñ matdi häm texnik yärdämneñ törleländerelüenä häm Rusiyä saqlanu sänäğätenä bulğan bäylelekneñ betüenä öleş kertäçäge assızıqlandı.
