Et ite festivalenä qarşı 11 million imza

Qıtaynıñ könyaq-könbatışında här yıl ütkärelgän “Et ite festivale”n uzdırunı tıyu öçen dönya külämendä başlatılğan kampaniyada 11 million imza cıyılğan.

Yuylin töbägendä 2009 nçı yıldan birle ütkärelüçe festivaldä här yıl 40 meñnän kübräk et suyıp aşala.

Xaywan söyüçelär bıyıl 21 nçe iyündä başlanuı kötelgän festivalne tıyu öçen internetta kampaniya başlatqan.

Dönyaküläm imza kampaniyäsenä millionnnarça keşe xuplaw kürsätkän.

20 tiräse aktivist cıyılğan imzalarnı etläre belän bergä kilep räsmi zatlarğa tapşırğan.

Xaywan xaqların yaqlawçılar festivalneñ tıyıluın taläp itkändä, festivalneñ däwam itüen teläwçelär et iteneñ keşegä faydalı buluın yaqlıy.