Yevro 2016 başlana

Frantsiyadä uzaçaq Awrupa Futbol Çempionatı Yevro 2016 ildäge protest häm eşne taşlaw çaralar külägäsendä comğa könne başlana.

Parijda çüplärne yuqqa çığaru üzäge eşçeläre eş qanunı proyektına qarşı sişämbe könne başlatqan eşne taşlaw çarası arqasında başqalanıñ çüpläre yuqqa çığarılmağan. Şähärneñ şaqtıy töbägendä çüplär cıyılğan.

Här kön yaqınça 2 meñ tonna çüp 200 yök maşinası belän taşılğan üzäktä yılda 700 meñ tonna tiräse tügente qabat eşkärtelä.

Timer yul eşçeläre başlatqan çara da ildäge transportka tiskäre tä’sir itüne däwam itterä.

Milli timer yul idaräse eşne taşlaw çarasınıñ üzqimmät fakturasınıñ xäzerdän ük 300 million yevroğa citüen beldergän.

Yarsulı eşçelär soñğı itep ilneñ här poçmağında kürsätelüçe Awrupa Futbol Çempionatı kuboğın başqalağa alıp baruçı poyezdğa qomaçawlarğa tırışqan.

Başqaladağı vokzalda eşçelär belän politsiya arasında bäreleş çıqqan.

Kubok soñınnan politsiya tarafınnan räsmi zatlarğa tapşırılğan.

Frantsiyada milli hawa yulı şirkäte Air France oçuçıları isä 11-14nçe iyun könne eşne taşlaw çarası oyıştıraçaq.

Transport ministrı Alain Vidalies Yevro 2016 aldınnan timer yulı eşçeläre başlatqan häm pilotlar da başlataçaq çaralarnı cawapsızlıq itep taswirlağan.

Çempionat oyıştırılaçaq ildä terror borçuı bar.

Futbol matçları uynalaçaq stadionnarda häm tirä-yaqlarında politsiya kontrolläre arta, xökümät tä iminlek çaraları mäs’äläsendä çik tanımıy.

10nçı iyun-10nçı iyul könnärendä oyıştırılaçaq turnirda 10 şähärdä 51 matç uynalaçaq.

Yevro 2016 öçen yaqınça 8 million canatarnıñ Frantsiyağa kitüe kötelä.