AQŞta Milli iskä alu köne

Amerikannar suğışlarda yaqtı dönyadan kitkän ğaskärilären iskä alğan.

Amerika Quşma Ştatlarında traditsion “Milli iskä alu köne” çaraları oyıştırılğan.

Milli iskä alu köne uñayınnan Virginia ştatındağı Arlington ziraatında räsmi cıyın uzğan.

Cıyında qatnaşqan AQŞ däwlät başlığı Barack Obama Bilgesez ğaskäri häykälenä çäçäk quyğan.

Obama monda yasağan çığışında: “Ğomere özelgän qaharmannarıbızğa bulğan burıçıbıznı berqayçan da tüli almabız,” – digän.

İskä alu köne uñayınnan başqala Vaşingtonda da törle çaralar oyıştırılğan.

Elekke ğaskäri häm tuğannar öçen yañğır astında quyılğan zur kontsertta xis-toyğılı mizgellär kiçerelgän.