Belgiyada terror höcümnäre belän bäyle 4 keşe saq astına alınğan
Älege şikle keşelärneñ 22 nçe martta Bryussel hawa mäydanı häm metroğa höcüm oyıştırğan intixar höcümçeläre belän bäyläneşe buluı açıqlanğan
Belgiya başqalası Bryusselda 22 nçe martta tormışqa aşqan terror höcümnärennän soñ başlatılğan operatsiyälär däwam itä.
Antwerpen qalasındağı operatsiyälärdä “DEAŞ”terror oyışmasına quşıluı uylanılğan 4 keşe saq astına alınğan.
Älege şikle keşelärneñ 22 nçe martta Bryussel hawa mäydanı häm metroğa höcüm oyıştırğan intixar höcümçeläre belän bäyläneşe buluı açıqlanğan.
Belgiya prokurorları saq astına alınğan 4 keşeneñ ildä yaña terror höcümnäre başqarırğa äzarlänüläre turındağu faktlar tabıluın beldergän.
Bryussel hawa mäydanı häm metroğa yasalğan terror höcümnärendä 32 keşeneñ ğomere özelgän,270 keşe yaralanğan ide.
13 nçe noyabrdä Frantsiya başqalası Parijdağı höcümnär dä 130 keşeneñ ülemenä säbäp buldı.
İke başqaladağı höcümnärneñ dä cawaplılığın “DEAŞ”terror oyışması üz östenä alğan ide.
