Süriyädän 52 keşeneñ ülem xäbäre

Utnı tuqtatu öçen xalıqara kereşülär däwam itkän Süriyädän 52 keşeneñ ülem xäbäre kilgän.

Könçığış Gutadağı oppozitsiyaçel törkemnär arasında çıqqan bäreleşlärdä ülüçelärdän 2ese – ğayepsez keşe.

Venadağı “Xalıqara Süriyäne xuplaw törkeme” kereşülärennän isä Süriyädä blokada astındağı töbäklärgä humanitar yärdämneñ 1nçe iyunnän başlap qabat başlatıluı qararı çıqqan.

Süriyädä utnı tuqtatunıñ qabat urnaştırıluı, blokada astındağı töbäklärgä humanitar yärdämnärneñ ireşterelüe häm säyäsi üzgäreş barışınıñ tizlätelüe maqsatı belän Awstriya başqalası Venada oyıştırılğan “Xalıqara Süriyäne xuplaw törkeme” cıyılışınnan soñ urtaq açıqlaw yasalğan.

Urtaq açıqlawnı uqığan Amerika Quşma Ştatları däwlät särqätibe Djon Kerri Süriyädä blokada astındağı töbäklärgä humanitar yärdämnen 1nçe iyun könennän başlap qabat başlatılacağın beldergän.

Cir östennän yärdämnärneñ kürsätelüenä kirtä quyılsa, bu töbäklärgä hawadan kiräkle yärdämne kürsätäçäklären assızıqlağan Kerri bolarğa kirtä quyarğa tırışuçılarğa xalıqara basımnıñ yasalaçağın citkergän.

AQŞ däwlät särqätibe cıyılışta diplomatlarnıñ, barlıq tarafalrnıñ “DEAŞ” terror oyışması häm Äl Kaidäneñ Süriyädäge törkeme Äl Nusradan yıraq toruları zarurlığı mäs’äläsendä çaqıru yasawın beldergän.

Kerri tınlıq rejimın kiñ qırlı utnı tuqtatuğa äyländerüne maqsat itülären citkerep, taraflarnıñ monı ütäwläre mäs’äläsendä qullarınnan kilgänne başqaru süzen birülären äytkän.

AQŞ häm Rusiyä Süriyädäge utnı tuqtatunıñ kem tarafınnan bozıluın raslaw öçen mexanizmnıñ qorıluı mäs’äläsendä dä kileşkän, Äsädneñ kiläçäge mäs’äläsendä isä söyläşülär däwam itäçäk.

Rusiyäneñ tışqı eşlär ministrı Lavrov ta Äsädneñ Rusiyäneñ kinäşlärenä häm urtaq eşçänleklärenä iğtibarsız qalmawın beldergän.

AQŞ däwlät särqätibe Djon Kerri häm Rusiyäneñ tışqı eşlär ministrı Sergey Lavrov räistäşlegendä uzğan cıyılışta 20 ildän häm 4 xalıqara oyışmadan 24 wäkil qatnaşqan.