Putin Soçida Abene qabul itkän

Rusiya Federatsiyäse däwlät başlığı Vladimir Putin Yaponiya premyer-ministrı Sindzo Abene Soçida qabul itkän.

Oçraşu xaqında matbuğatqa belderü yasawçı Putin ike il kön tärtibendä möhim mäs’älälär buluın beldergän.

Vladimir Putin:”Yaponiya barı tik kürşebez genä tügel. Aziya
Tın okean töbägendäge möhim partnerıbız. Säfär qısasında illärebezne qızıqsındıruçı mäs’älälär xaqında söyläşäbez”,-digän.

Yaponiya premyer-ministrı da Putin belän oçraşuında ike il arasındağı säyäsi, iqtisadi,mädäni mönäsäbätlär belän berrättän könüzäk xalıqara mäs’älälär xaqında da fiker alışırğa teläwen citkergän.

Putin-Abe oçraşuınnan soñ Rusiya Federatsiyäse tışqı eşlär ministrı Sergey Lavrov belderü yasağan.

Liderlarnıñ ike il arasındağı yuğarı däräcäle säyäsi dialognı üsterü mäs’äläsendä urtaq fikerdä buluların belderüçe Lavrov söyläşülärneñ iyün ayında tışqı eşlär ministrları däräcäsendä däwam itäçägen citkergän.

Oçraşuda iqtisadi mäs’älälär dä qaraluın belderüçe Sergey Lavrov ike il arasındağı säwdä külämen arttıru öçen zur külämle investitsiya proyektlarına urın bireläçägenä basım yasağan.