Dini lider inglizçä belem birüne tänqitlägän

İrannıñ dini liderı Ayätullah Ali Hamaney balalar häm yäşlär arasnda çit il mädäniyatınıñ kiñ taraluına säbäp bulu nigeznamäse belän ildä inglizçä belem birüne propagandalawnı tänqitlägän.

İran räsmi xäbär agentlığı “IRNA” beldergänçä, Hamaney Uqıtuçılar atnalığı uñayınnan Tähranda uqıtuçılarnı qabul itkän.

Hamaney biredä yasağan çığışında ildä inglizçä belem birüne propagandalawnı tänqitläp:”Qızğanıç, qayber cirlärdä farsı tele urınına ingliz tele agitatsiyälänä.Balalar mäktäpkä kergänçe ük ingliz telen öyränä başlıy”,-digän.

Mäs’äläneñ çit tellär öyränügä qarşı bulu dip añlaşılmawı kiräklegen beldergän Hamaney “Töp problema-çit il mädäniyatınıñ ildäge balalar häm yäşlär arasında kiñ taraluı ,populyarlaşuı”dip citkergän.