"Yawlawnıñ beterelüe öçen yärdäm itegez"
Abbas BMO äğzalärennän Fälästin cirlärendäge İzrail yawlawınıñ beterelüe öçen yärdäm sorağan
Fälästin däwlät başlığı Mäxmüt Abbas Berläşkän Millätlär Oyışması äğzalärennän Fälästin cirlärendäge İzrail yawlawınıñ beterelüe öçen yärdäm sorağan.
BMO Ğomüm şurasında Parij klimat kileşüenä imza quyu tantanasında çığış yasağan Abbas: “İzrail yawlawı Fälästindä klimatnı xarap itä. İzrail qorğan toraq punktları da Fälästin tabiğatenä zıyan sala. Yawlawnıñ häm yawlaw astındağı Fälästin cirlärendä İzraillelärneñ toraq punkt tözü eşçänlekläreneñ beterelüe öçen zinhar bezgä yärdäm itegez," – digän.
İlenen Ğomüm şura tarafınnan “äğza bulmağan däwlät bularaq" qabul itelüen xäterlätkän Abbas Fälästin däwläteneñ qalğan däwlätlär belän bergä Klimat kileşüenä imza quyuın assızıqlağan.
Abbas kileşüneñ dönya öçen uñay tä'sirläre bulacağın aışanuın citkergän.
Mäxmüt Abbasnıñ çığışında qatnaşuçılar arasında bulğan İzrailneñ BMOdağı ilçese Danny Danon reaktsiya beldergän.
Danon Abbasnıñ xalıqara cämäğatçelekkä yalğan mäğlümat birergä tırışuın däğwa itkän.
