Rusiyägä qırıs reaktsiya

Awrupa Berlegeneň Tışqı mönӓsӓbӓtlӓr hӓm İminlek yuğarı wӓkile Federica Mogherini ofisınnan yasalğan açıqlawda “güyӓ Qırım prokurorı” tarafınnan qabul itelgӓn Qırım Tatar Milli Mӓclese eşçӓnleklӓreneň tuqtatıluı qararınıň borçu birüçe buluı hӓm Qırım Tatarlarınıň xoquqlarına qarşı citdi höcüm barlıqqa kiterüe citkerelgӓn.

Qararnıň şunduq kire alınuı soralğan açıqlawda: “Awrupa Berlege 2014nçe yılda Rusiyӓ Federatsiyase tarafınnan qanunsız yawlap alınuınnan birle Qırım yarımutrawında azçılıqlarğa qarata oyıştırılğan qıyırsıtular belӓn ber rӓttӓn keşe xoquqlarında naçar wazğiyӓt belӓn bӓyle borçuların hӓrwaqıt qabatlıy,” – dip ӓytelgӓn.

Monnan alda Qırım Tatar Milli Mӓclese eşçӓnleklӓreneň tıyıluı hӓm çiktӓn tış oyışma qısasına alınuı öçen mörӓcӓğat yasağan Rusiyӓneň Qırımğa bilgelӓgӓn prokuror Natalya Poklonskaya mӓxkӓmӓ tӓmamlanğançı Mӓcles eşçӓnleklӓren tuqtatu qararın qabulitüen açıqlağan ide.

Qararnıň Rusiyӓ qanunnarınıň bozıluına qomaçawlar öçen qabul itelüen ӓytkӓn porkuror: “Şul rӓweşle Mӓcles iyӓ bulğan xoquqlar tuqtatıla, dӓwlӓt hӓm cirle matbuğat qullanuı, cıyılış oyıştıruı hӓm barlıq propagandaları tıyıla,” – digӓn ide.