Angliyada qol balaları skandalı

Nepaldä uzğan yılnı barlıqqa kilgän cirteträwdä isän qalğan üksez häm yaqlawsız balalarnıñ ingliz ğailälärenä qol itep satıluı däğwa itelgän.

Angliyaneñ eçke eşlär ministrı Theresa May “Sun” gazetı citkergän bu mäs'älä belän bäyle bularaq tikşerüneñ açılacağın belderep, balalar kontrabandasınıñ qurqınıç cinayät buluın äytkän.

Gazetnı tikşerüen iminlek berämlekläre belän urtaqlaşırğa çaqırğan May: “Şul räweşle bu qurqınıç cinayätne çınğa aşıruçılarğa qarşı berärnärsä başqarıla alınır,” – digän.

İngliz “Sun” gazetı düşämbe könne açıqlağan maxsus xäbärendä 2015nçe yılnıñ aprel ayında Nepaldä barlıqqa kilgän häm 9 meñ keşeneñ ğomere özelgän cirteräwdä isän qalğan balalşarnıñ ingliz ğailälärenä öylärendä eşlär öçen qol itep satıluınıñ öyränelüen beldergän.

Gazet xäbärendä 10 yäşlek balalarnıñ 5 meñ 300 sterling, yägni 21 meñ lirağa cinayätçe törkemnär tarafınnan satıluın citkergän.

Kontrabandistlarnıñ başta balalarnı Nepaldän Hindıstanğa alıp baruları häm annan balalarnıñ säyäxät dokumentlarınıñ äzerlänüe belderelgän.

Üksez häm yätim bulğan balalarnıñ soñınnan tärbiyä öçen ğailälärgä bireläçäkläre nigeznamäse belän Angliyağa kiterelüläre häm bay ğailälärgä öydäge eşlär öçen qol bularaq satıluları däğwa itelgän.