"Bez - yasalma dönya qorbannarı"
New Yorkta terror höcümnärendä ülüçelär öçen iskä alu cıyını oyıştırılğan
Amerika Quşma Ştatlarınıñ New York şähärendä Törkiyä häm Belgiyadağı terror höcümnärendä yaqtı dönyadan kitüçelär öçen iskä alu cıyını oyıştırılğan.
New York Universitetında belem aluçı studentlar Änkara, İstanbul häm Brüsseldağı terror höcümnärendä ğomere özelüçelärne iskä alğan.
Kübese möselman bulğan uquçı yäşlär höcümnärdä ülüçelärne iskä alu häm terrorçılıqnı ğayepläw maqsatı belän yuğarı uqu yortındağı Kimmel Centernıñ basqıçlarında cıyılğan.
Anda terrorğa qarşı yärdämläşü yullamasın yasağan studentlar törle qatlamnarnıñ ayrımlılıq häm bäreleş mäs'äläse bulmaw zarurlığın citkergän.
Uquçı yäşlär: “Kem buluıbız möhim tügel, barıbız da tsivilizatsiyalärneñ yasalma bäreleşüeneñ qorbanı. Şul uq yasalma dönyanıñ qorbannarı. Barıbız da Brüssel, Bagdat, Änkara bez, Parij, İstanbul, Ğazzä bez, Diyarbakır, Dimäşke bez,” – digän.
Studentlar çığışlardan soñ terror höcümnärendä yaqtı dönyadan kitkännär öçen şäm yandırğan.
İskä alu cıyını New York Universitetındağı İslam üzäge, Yähüd uquçıları tormış üzäge, Katolik üzäge, Küp mädäniyätle belem alu programmaları üzäge, Global' ruxani tormış, LGBTQ Uquçı yäşlär üzäge häm Protestan tormış isemle uquçı yäşlär cämğiyätläre organizatsiyase belän çınğa aşırılğan.
Studentlar monnan alda da Bagdat, Bäyrut häm Parijdağı terror höcümnäre öçen oxşaş iskä alu cıyınnarı oyıştırğan ide.
