“Süriyä mäs'äläsen regional köçlär çişärgä tiyeş”
Bu xaqta D-8 ğomum särqätibe Säyid Ali Möxämmäd Musavi beldergän
Alğa kitkän 8 il iqtisadi xezmättäşlek oyışması D-8 ğomum särqätibe Säyid Ali Möxämmäd Musavi Törkiyä, İran häm Soğud Ğaräbstanı ber östäl artında utırıp söyläşkän oçraqta Süriyä mäs'äläseneñ qatği räweştä çişeläçägen beldergän.
Musavi:”Monı Törkiyäneñ xäl itäçägenä ışanam”digän.
D-8 ğomum särqätibe töbäktä bäreleşlär telämäwen ,bäreleşlärneñ artuınıñ D-8 oyışması eçendäge xezmättäşlekkä tiskäre yoğıntı yasawın beldergän.
Musavi:”Xäzerge waqıtta Süriyädä wäzğiyät bik naçar. İl cimerelgän. İñ möhime-çit il köçläre anı basıp alğan. Humanitar krizis küzätelä. Bu mäs'äläneñ iñ qısqa waqıtta çişelüe zarur.Mäs'äläne isä çit il köçläre tügel, regional köçlär çişärgä tiyeş”,-dip äytkän.
D-8 ğomum särqätibe Säyid Ali Möxämmäd Musavi ağımdağı yıl azağında uzaçaq D-8 liderları oçraşuında bu mäs'äläneñ kön tärtibenä kiläçägenä ışanuın da citkergän.