Utnı tuqtatunıñ 3nçe köne
Utnıñ tuqtawı könlek tormışqa uñay tä'sir itkän
Süriyädä 5 yıldan soñ çınğa aşqan utnı tuqtatunıñ 3nçe köne.
Läkin qaywaqıt utnı tuqtatunıñ bozıluı turındağı xäbärlär dä kilä.
Oppozitsiyaçel törkemnär Rusiyä oçqıçlarınıñ qayber şähärlärne bombağa totuın, Süriyä xökümäteneñ dä 15 tapqır utnı tuqtatunı bozuın citkergän.
Mäskäw isä bu xäbärlärne yalğanğa çığarğan, utnı tuqtatunıñ soñğı täwlek eçendä 9 tapqır bızluın açıqlağan.
Bolarğa qaramastan älege utnı tuqtatu könlek tormışqa uñay tä'sir itkän.
260 meñnän artıq keşe yaqtı dönyadan kitkän Süriyäneñ ikençe möhim şähäre Xaleb tınıçlana bara.
Bäreleşlärdä yaralanuçılarnı qotqaru öçen eş waqıtların ozınaytuçı sälamätlek saqlaw personalı berençe tapqır räxät sulış alğan.
Bäreleşlär arqasında öylärennän çığa almawçı awıru keşelär xastaxanälärgä bara başlağan.
Räsmi zatlar meditsina materialı citmäw arqasında qamaw astındağı töbäklärdä haman da ülüçelärneñ buluın belderä.
Berläşkän Millätlär Oyışması isä qamaw astındağı töbäklär öçen başlatqan yärdäm kürsätü eşçänleklären däwam itterä.
Oyışmadan yasalğan açıqlawda älege töbäklärdä meñnärçä keşeneñ açlıqtan ülü qurqınıçı belän oçraşuı citkerelgän.
Kiläse 5 kön öçen 150 meñ tiräse Süriyälehä humanitar yärdämneñ ireşterelüe maqsat itelä.
BMO kiläse aynın azağına qadär ireşü awır bulğan töbäklärdäge 1 million 700 meñ keşegä yärdäm kürsätüne planlıy.
