Süriyädä utnı tuqtatu mäs'äläsendä kileşü tä'min itelgän

8) Amerika Quşma Ştatları häm Rusiya Süriyädä utnı tuqtatu mäs'äläsendä kileşü tä'min itülären beldergän.

Utnı tuqtatu 2016 nçı yılnıñ 27 nçe fevralennän ğamälgä keräçäk.

Kileşü “DEAŞ”terror oyışması,”Äl Nusra”frontı häm Berläşkän Millätlär Oyışması tarafınnan terror oyışması itep qabul itelgän başqa törkemnärgä qarşı oyıştırılğan höcümnärne üz eçenä almayaçaq.

Amerika Quşma Ştatları ilbaşı Barak Obama belän Rusiya Federatsiyäse däwlät başlığı Vladimir Putin telefonnan söyläşep utnı tuqtatunıñ neçkäleklären açıqlağan.

Aq Yort Obamanıñ berence çirattağı telägeneñ Süriyä xalqınıñ qayğı-xäsräten tuqtatu, Berläşkän Millätlär Oyışması äydän baruçanlığındağı säyäsi barışnı eşkä kereşterü häm “DEAŞ”nı tar-mar itü öçen barlıq yaqlarnıñ bu kileşügä uñay cawap birüe buluın açıqlağan.

AQŞ häm Rusiyäneñ Süriyädä bäreleşlärne tuqtatu turındağı belderüennän BMO da qanäğät qalğan.

Berläşkän Millätlär Oyışması ğomum särqätip süzçese Stephane Dujarric utnı tuqtatunı Süriyä xalqı ozaq waqıt kötkän ömet bularaq bäyälägän.

BMOnıñ tikşerü komissiyäse Süriyä xisabın açıqlağan.

Xisapta “DEAŞ”terror oyşması häm Äsäd rejimınıñ töbäktä keşelek cinayäte eşläwne däwam itterüe assızıqlanğan.

Xisapta şulay uq Süriyädä suğışuçı törkemnärgä qoral häm yärdäm cibärmäw çaqıruı da urın alğan.

Süriyä däwlät başlığı Bäşşar Äsäd 13 nçe apreldä ğomum saylaw ütkäreläçägen beldergän.

Äsädneñ saylaw könen utnı tuqtatu qararınnan soñ açıqlawı iğtibarnı cälep itä.

Süriyädä soñğı tapqır saylaw 2012 nçe yılda ütkärelgän ide.