Rusiyädä bank krizisı
Global' finans bankı häm Kapitalbanknıñ eşläw litsenziyase ğamäldän çığarılğan
Rusiyä Üzäk Bankı düşämbedän başlap Mäskäwdä Global' finans bankı häm Rostov na Donu şähärendä Kapitalbanknıñ eşläw litsenziyasen ğamäldän çığaruın açıqlağan.
Üzäk bank tarafınnan yasalğan açıqlawda Global' finans bank litsenziyaseneñ bank eşçänleklären tärtipkä saluçı qanunnarnı ütämäwe häm banktan aqça aluçılarğa qarata cawaplılıqların cirenä citkermäwe arqasında ğamäldän çığarıluı belderelgän.
Kapitalbank litsenziyaseneñ ğamäldän çığarıluına isä kliyentlarnıñ häm bankka kredit tä'min itüçelärneñ mänfäğatläreneñ qurqınıç astında buluı nigeznamäse belän qarar birelgän.
Älege banknıñ yuğarı risklı kredit säyäsäte alıp baruı citkerelgän.
Üzäk bank kürsätkeçlärenä kürä Rusiyä bank eşçänlege sistemasında Global Finans Bankı 239, Kapitalbank isä 364nçe urında tora ide.
2015nçe yılnıñ 17nçe noyabr könne Sberbank başlığı German Gref Rusiyädä soñğı 20 yılnıñ iñ zur bank tarmağı krizisınıñ başlanuın äytkän ide.
Gref beldergänçä bank tarmağın çistartu berniçä yıl baraçaq häm bu awır barış bulaçaq.
