Jenevada Süriyä söyläşüläre başlanğan

1 nçe fevraldä Jenevada Süriyä söyläşüläre başlanğan.

Berläşkän Millätlär Oyışmasınıñ Süriyä maxsus wäkile Staffan De Mistura Jenevadağı Süriyä söyläşüläreneñ räsmi räweştä başlanuın citkergän.

BMOnıñ Süriyä maxsus wäkile Staffan de Mistura Riyad yaqlaw kürsätüçe oppozitsiya wäkillege belän oçraşıp söyläşkän.

Yaqınça 2 säğät däwam itkän söyläşüdä oppozitsiya üz taläplären citkergän.

Süriyäle oppozitsionerlardan torğan yuğarı söyläşü komitetı süzçese Salim Äl Muslat :”De Misturadan uñay yullamalar aldıq. Rejimnıñ cawabın kötäbez. Qamalışlarnıñ ,qulğa alularnıñ betüen,rejimnıñ häm Rusiyäneñ bombalawların tuqtatuın telibez”,-dip beldergän.

Oppozitsiya Süriyädägehumanitar wäzğiyätne cayğa salu mäsäläsendäge qatğilığın tağın ber tapqır yañartqan.

Oppozitsionerlar belän küreşkännän soñ belderü yasawçı Mistura:” Bez süriyälelärneñ tawışına qolaq salabız. Bu yulı Jeneva söyläşüläre elekkelärennän ayırmalı bulaçaq. Xäzergä berence maqsat-yaqlar arasında utnı tuqtatu tä'min itü”,-dip äytkän.

De Misturanıñ çirattağı söyläşüe rejim wäkillege belän bulaçaq.

Alarğa oppozitsiyäneñ taläplären citkeräçäk.

BMOnıñ Süriyä maxsus wäkile älege oçraşudan soñ qabat oppozitsiya belän söyläşü ütkäräçäk.