Paqıstan universitetına höcüm

Paqıstannıň Çaharsada şӓhӓrendӓ qorallı törkemneň Baça Han universitetınıň şӓhӓrçegenӓ oyıştırğan höcümdӓ 25 keşeneň ğomere özelgӓn.

Höcümdӓ 60tan artıq keşe dӓ yaralanğan.

Sannarı hӓm şӓxes tanıqlıqları ӓlegӓ bilgesez bulğan höcümçelӓr şӓhӓrçek diwarlarınnan sikerep, student hӓm uqıtuçılarğa ut açqan.

Politsiya universitetka yasağan operatsiya nӓticӓsendӓ höcümçelӓrdӓn 4eseneň üterelüe açıqlanğan.

Paqıstannıň Armiya süzçelege höcümçelӓrneň 3 meň uquçı belem alğan universitet şӓhӓrçegendӓge qızlar tulay torağın maqsat itep aluların citkergӓn.

İminlek çığanaqları barlıq uquçılarnıň şӓhӓrçektӓge tulay toraqtan çığarıluın, lӓkin suğışçılarnıň yuğarı uqu yortınıň törle urınnarında yӓşerenӓ aluın ӓytkӓn.

Höcüm oyıştırılğan waqıtta uqu yortına iseme birelgӓn şӓxes iskӓ alınğan hӓm studentlarnın tuğannarı da universitetka kilgӓn ide.

Peşaverdӓ isӓ ber yıl elek Taliban ber mӓktӓpne basıp, 150 keşeneň ütergӓn ide.