Sloveniyada politsiya xezmätkärläre protest beldergän
Alar xezmät xaqların arttırunı taläp itkän
405703
Sloveniya başqalası Lyublyanada yözlärçä politsiya xezmätkäre xezmät xaqların arttırunı taläp itep uramnarğa çıqqan.
Xökümät belän söyläşülärdä xezmät xaqın 35%qa arttıru telägen qabul itterä almağan politsiya xezmätkärläre protest beldergän.
3 meñ tiräse politsiya parlament binasına taba yöregän.
Protestçılar qaçaq krizisı arqasında tağın da awırlaşqan eş şartlarınıñ da yaxşırtıluın teli.
Premyer-ministr Miro Serar ildä qaçaq krizisı häm buydjet defitsitı küzätelgändä politsiyäneñ mondıy rizasızlıq belderü çarası oyıştıruınıñ döres bulmawın beldergän.
Oktyabr ayınnan birle Germaniyağa kitü öçen Slobeniyağa 300 meñ qaçaq kilgän.
