Frantsiyada ğädättän tış xäl
Frantsiya başqalası Parij 10 ay aradan soñ xäzergä çaqlı iñ zur terror höcümnäre belän teträngän.
Parijnıñ 6 ayırım urınında oyıştırılğan höcümnärdä prokuratura belderüenä qarağanda 120, frantsuz matbuğatınıñ räsmilärgä nigezlänep citkergän mäğlümatlärgä kürä isä 158 keşeneñ ğomere özelgän.
Höcümnärdä 90ı awır 200 keşe yaralanğan.
Comğa kiçendä uramnar xalıq belän tulı bulğan çaqta beryulı höcümnär oyıştırılğan.
Berençe höcüm xäbäre Kamboçya aşxanäsennän kilep citkän. Keşelär çiratta kötkän öste açıq aşxanäsenä 2 keşe buluı isäplänelgän höcümçelär kalaşnikovlar belän ut açuı näticäsendä 10 keşe häläq bulğan.
İkençe höcüm – Frantsiya belän Germaniya arasında matç uynalğan stadion yanında ike intixar höcüme belän ber bombalı höcüm yasalğan.
İñ qanlı höcüm isä amerikan “Heavy” metal muzıka törkeme kontsert quyğan zalda oyıştırılğan.
Höcümçelär kontsertta buluçılarnı totıq itep alğan.
Politsiya yasağan belderügä kürä, 3 intixar höcümçese üzen tamaşaçılarnıñ urtasında şartlatqan, 1 intixar höcümçesen isä iminlek köçläre atıp ütergän.
Parijnıñ könçığışında da 1 höcümçe üterelgän.
Waqiğa şahitläre añlatuınça, höcümçelär: "Höcümne Frantsiyanıñ Süriyägä qatışuına rizasızlıq belderü öçen oyıştırabız”, - dip qıçqırğan.
Qorallı keşelär höcüm itkän urınnar arasında ber säwdä üzägeneñ dä buluı xäbär itelä.
Waqiğalar arqasında Frantsiyäneñ diñgez aryağındağı cire Korsika belän bergä böten il külämendä ğädättän tış xäl iğlan itelgän.
Parijda 10 ay elek tä terrorçılar “Charlie Hebdo” jurnalına häm ber supermarketqa yasağan höcümnärdä 17 keşeneñ ğomere özelgän ide.
