Bomba ixtimalı köçle

Rusiya yulçı oçqıçınıñ Misırda kilep töşüe belän bäyle tikşerü däwam itä.

Qazağa oçqıçqa urnaştırılğan bombanıñ säbäp buluı turındağı şik-şöbxälär tağın da arta bara.

Qara tartmanı häm waqiğa urının tikşergän belgeçlär barlıq faktlarnıñ bomba ixtimalın köçle räweştä arttıruın beldergän.

Tikşerü törkemendä urın alğan ber räsmi zat qara tartmada normal söyläşü artınnan köçle görelte işetelüen citkergän.

Bomba ixtimalın elegräk Amerika häm Angliya küzläw oyışmasları da telgä kitergän ide.

Tikşerü alıp baruçı räsmi zatlarnıñ bügen matbuğat oçraşuı ütkärep qaza belän bäyle barlıq mäğlümatlarnı urtaqlaşuları kötelä.

Rusiya Misırğa barlıq oçışların tuqtatu qararına kilgän.

Mäskäw citäkçelege älege qararnıñ iminlek nigeznamäse belän qabul itelüen häm oçışlarnıñ waqıtlıça tuqtatıluın citkergän.