Germaniya Qatarğa tanklar cibärgän
Qatar Tışqı eşlär ministrı kiräk bulğan çaqta Süriyädä xärbi xäräkät ütkärä alaçaqların beldergän.
Germaniya Qatarğa 2 milliard yevro qimmätendä 62 “Leopard-2” tankı belän 24 danä haubitsa cibärgän.
Germaniyanıñ “Süddeutsche Zeitung” gazetı xäbär itüençä, xärbi tovarlar ike il arasında 2013nçe yılda tözelgän kileşü qısalarında tapşırılğan.
Gazet xäbärendä 2013nçe yıldan birle Farsı qultığı töbägendäge wazğiyätneñ üzgärüenä dä iğtibarnı yünältkän.
Monıñ nigezendä Qatar Yämändäge watandaşlar suğışınıñ tuqtatıluı öçen Soğud Ğäräpstanınıñ äydäp baruçanlığında ütkärelüçe xärbi xäräkätkä ber meñ ğäskäri belän quşılaçaq.
“Süddeutsche Zeitung” gazetı yazuınça, “Äl Cäzirä”neñ uzğan ayda citkergän bu xäbär Germaniya iqtisad ministrlığınıñ cibärelgän tanklarnıñ Yämändä qullanıluı ixtimalınnan borçıluına yul aça.
Şul uq waqıtta Qatar Tışqı eşlär ministrı Halid Äl Atiyyä uzğan atnadağı belderüendä: "Süriyälelärne rejimnıñ yanawlarınnan saqlaw öçen kiräk bulsa bu ilgä xärbi qatışu yasarbız”, - dip äytkän ide.
