Salix Läylä yaqtı dönyadan kitkän
Anadolu agentlığı xäbärçese bäreleşlärne küzätkän waqıtta yaralanıp, Törkiyägä kiterelgän ide
390113
Anadolu agentlığınıñ Süriyädäge xäbärçese Salix Mäxmüt Läylä Xalepkä bäyle Xıreytan ilçäsendä “Ğiraq-Dimäşk” terror oyışması tarafınnan bomba töyälgän transport çarası belän oyıştırılğan höcümdä yaqtı dönyadan kitkän.
İyul ayında Xalepneñ Cemiyet äz-Zähra töbägendäge bäreleşlärne küzätkän waqıtta yaralanğan Salix Törkiyägä kiterelgän ide.
Salix Mäxmüt wazifası waqıtında Süriyäneñ tönyağındağı bäreleşlärne räsemgä häm videoğa töşergän, bäreleş şartlarında yäşäwçe xalıqnıñ qıyınlıqları belän bäyle xisaplar äzerlägän ide.
Salix Mäxmüt Läyläneñ Süriyädäge watandaşlar suğışında töşergän küp sandağı fotosürätläre dönyanıñ aldınğı matbuğat häm media organnarı tarafınnan kürsätelgän, iñ küp oşatılğan räsemnär kategoriyasendä urın alğan ide.
Salix uzğan yılnı Anadolu agentlığında xärbi xäbärçe belemen alğan bulğan.
Xalepneñ tönyağındağı Anadan ilçäsendä tuğan Salix Mäxmüt Läyläneñ 1 yıl elek öylänüe, xäläl cefeteneñ bala kötüe öyränelgän.
