Obama ğafu ütengän
Amerikan ilbaşı Çik tanımawçı tabiblar oyışma başlığına şaltıratqan
389559
AQŞ däwlät başlığı Barack Obama Amerikan köçläre Äfğanstanda atna azağında oyıştırğan häm 22 ğayepsez keşe yaqtı dönyadan kitkän hawadan operatsiyalär öçen xalıqara yärdäm oyışması Çik tanımawçı tabiblardan ğafu ütengän.
Çik tanımawçı tabiblar başlığı Dr. Joanne Liuğa şaltıratqan Obama ğomere özelgän oyışma xezmätkärläre häm awırular öçen ğafu ütenep, mäs’älä belän bäyle kiñ qırlı häm ütä kürenmäle tikşerü başlatacağına süz birgän.
Obama soñınnan Äfğanstan ilbaşı Äşräf Ganiğa şaltıratıp, qayğıları belän urtaqlaşqan.
Taliban qulğa töşergän Kunduz vilayätenä qarağan AQŞnıñ hawadan operatsiyaläre waqıtında Çik tanımawçı tabiblar oyışmasına bäyle ber xastaxanägä höcümneñ yasaluı näticäsendä 10ısı awıru barlığı 22 keşe yaqtı dönyadan kitkän ide.
