Awrupa Berlegennӓn sıyınuçılar krizisı açıqlawı
Awrupa Berlege Süriyӓle qaçaqlar krizisın Törkiyӓ belӓn bergӓ çişӓrgӓ teli.
Törkiyӓ ilbaşı Rӓcӓp Tayyip Ӓrdoğannıň Brüsselğa 4nçe üktӓbr könne çınğa aşıraçaq sӓfӓrennӓn alda Awrupa Berlegennӓn mӓs’ӓlӓ belӓn bӓyle açıqlaw kilde.
Awrupa Berlege Komissiyase süzçese Margarits Schinas qaçaqlar krizisınıň çişeleşendӓ Törkiyӓneň töp rol uynayaçağına iğtibar cӓlep itep, Ӓrdoğan belӓn Brüsselda urtaq strategiya bilgelӓrgӓ telӓwlӓren ӓytkӓn.
Schinas tübӓndӓgeçӓ beldergӓn: “Awrupanıň talӓplӓrenӓ Törkiyӓneň niçrk cawap biraçӓgen belmibez. Lӓkin berlek ruxı hӓm ike yaqlı ışanıç qısalarında xezmӓttӓşlek başqarırğa telibez. Hӓr ike tarafnıň da ixtıyacın qanӓğatlӓnderӓçӓk, dӓwam itterӓ alına torğan kileşü tӓ’min itӓrgӓ telibez.”
İkençe yaqtan Lyuksemburgtağı Awrupa Ğadӓlӓt Divanı ildӓn cibӓrelgӓn kileş Awrupağa qabat kergӓn qaçaqlarnı 1 yıldan alıp 4 yılğa qadӓr törmӓgӓ utırtu xökemen çığarğan.
Tağın da yaxşı tormış ömete belӓn Könbatış Awrupa illӓrenӓ barırğa telӓgӓn qaçaqlarnıň yana yullarnı saylawı mömkinlege arta.
Gretsiya aşa Makedoniya, annan da Serbiyağa kergӓn qaçqınnar Vengriya yӓisӓ Xorvatiya aşa Könbatış awrupa illӓrenӓ taba yul tota ide.
Hawalarnıň salqınaya başlawı hӓm Vengriyaneň Serbiyadӓn soň Xorvatiya çigenӓ dӓ timerçıbıq quyu qararı qaçaqlarnıň tağın da cılı bulğan könyaq illӓre Çernogoriya hӓm Albaniyağa yünӓlülӓre ixtimalın kön tӓrtibenӓ kiterde.
