Brüsselda qaçaqlar krizisı cıyılışı

Awrupa Berlegenä äğza illär eçke eşlär ministrları qaçaqlar krizisın söyläşer öçen Brüsselda cıyıla.

Liderlar oçraşuına xäzerlek bulğan cıyılışta 120 meñ qaçqınnıñ niçek urnaştırılaçağı problemasına çişeleş ezlänäçäk.

Qayber awrupa Berlege illäre qaçaqlarnıñ bäyläwçe kvotalar qısalarında äğza illärgä taratıluına qarşı çığa.

Alar arasında Vengriya, Polşa, Slovakiya häm Çexiya Cömhüriyäte bar.

Vengriya Awrupa çikläreneñ qurqınıç astında buluın uylıy.

Serbiya çigendä qaçqınnarğa qarata çaralarnı arttırğan Vengriya armiyağa sıyınuçılarğa plastmass pulya häm küzdän yäş kiterüçe gaz qullanu wäqaläten dä birgän.

Bıyıl yaqınça yartı million qaçaq Urta diñgez aşa Awrupağa barıp citkän.

Kim digändä 2 meñ 800 keşe isä qurqınıç säfärdä yaqtı dönyadan kitkän.