Minskta öç yaqlı cıyılış
Cıyılışta Ukrainada ber yaqlı iğlan itelgän “Donetsk häm Lugansk xalıq cömhüriyätläre” wäkilläre dä qatnaşqan
Ukraina, Rusiyä Federatsiyase häm Awrupa İminlek häm Xezmättäşlek Oyışması AGİTtan wäkillär täşkil itkän Öç yaqlı elemtä törkeme Belarus başqalası Minskta oçraşqan.
Matbuğatqa yabıq bularaq uzğan cıyılışta Ukraina isemennän elekke däwlät başlığı Leonid Kuçma, Rusiyäneñ maxsus wäkile Azamat Kulmuhammetov, AGİT wäkile Martin Sajdik belän Ukrainanıñ könçığışında separatistlar tarafınnan ber yaqlı iğlan itelgän “Donetsk häm Lugansk xalıq cömhüriyätläre” wäkilläre Denis Puşilin häm Vladislav Deynego qatnaşqan.
Ukrainanıñ könçığışındağı kiyerenkelekneñ beterelüe öçen barlıqqa kiterelgän Öç yaqlı elemtä törkeme separatistlar wäkilläre belän ütkärgän söyläşüdä könçığıştağı problemanıñ tınıç yullar belän çişelüe qısalarında töbäktäge 100 mm dan keçkenä kalibrlı awır qorallarnıñ fronttan çigelüe, üktäbr ayında ütkäreläçäk cirle saylaw häm könçığış töbäkläreneñ statusı belän bäyle mäs’älälär qaralğan.
Öç yaqlı elemtä törkemeneñ ikençe cıyılışı 22nçe sentyabr könne