"Netanyahu qulğa alınsın" kampaniyase

İzrail Premyer-ministrı Binyamin Netanyahunıñ kiläse ayda Angliyağa yasayaçaq säfärendä qulğa alınuı öçen başlatılğan kampaniyane 80 meñnän artıq keşe xuplağan.

Damian Moran isemle ingliz watandaşı tarafınnan ay başında başlatılğan kampaniya yärdämendä ingliz xökümätenä Netanyahunıñ “Ğazzädä başqarğan suğış cinayätläre” arqasında qulğa alınuı öçen çaqıru yasala.

İmzalar Angliya Parlamentınıñ internet säxifäsendäge “kampaniya” bülegendä quyıla.

Kampaniyaneñ açıqlaw öleşendä tübändäge yullar urın ala: “Netanyahu sentyabr ayında Londonda söyläşülärdä qatnaşaçaq. Xalıqara xoquq qısalarında

Netanyahu uzğan yılnı 2 meñ ğayepsez keşene ütergäne, suğış cinayätläre başqarğanı öçen Berläşkän Patşalıqqa kilgän qulğa alınırğa tiyeş.”

Barı tik ingliz watandaşları belän Angliyada yäşäwçelär xuplıy alğan kampaniya 100 meñnän artıq imza cıya alğan çaqta mäs’äläneñ Parlament kön tärtibenä kilep kilmäyäçäge bäxäsläşeläçäk.